Qaraǵandy oblysynda polıtsııa bir túnniń ishinde oıyn-saýyq mekemelerinde júrgen 45 jasóspirimdi anyqtady
QARAǴANDY. 23 aqpan. QazAqparat - Qaraǵandy oblysynda ótken túni polıtsııa qyzmetkerleri oıyn-saýyq mekemelerde júrgen 45 jasóspirimdi anyqtady. Bul týraly oblystyq ІІD-niń baspasóz qyzmeti habarlady.
«Túngi ýaqytta jasóspirimderdi oıyn-saýyq mekemelerine kirgizgeni úshin ákimshilik tártipte mekemeniń 7 ıesi jaýapqa tartyldy. Sonymen qatar, balalardyń ata-analary da ákimshilik jaýapqa tartyldy. Keıbir ata-analarǵa eskertý jasaldy», - delingen habarlamada.
Oǵan qosa, 21 jasqa tolmaǵandarǵa ishimdik satqany úshin 11 dúken ıesi ákimshilik tártip boıynsha jaýapqa tartylady. Kámelettik jasqa tolmaǵandarǵa temiki satý boıynsha 12 oqıǵa anyqtaldy.
«Bir túnniń ishinde oblystyq ishki ister organy mekemesine kámilettik jasqa tolmaǵan 105 jasóspirim kelip tústi. Ártúrli buzýshylyq áreketter jasaǵan 28 jasóspirim men balany tárbıeleý boıynsha mindetterdi atqarmaǵan 23 nashar otbasy ishki ister organynyń esebine alyndy», - delingen habarlamada.
ІІD-niń bergen málimetine qaraǵanda, búgingi kúni 1816 «buzaqy» jasóspirim men 2462 nashar otbasy polıtsııanyń esebine tur.
Jasóspirimder arasynda oryn alatyn buzaqylyq pen qylmystyń aldyn alý maqsatynda Qaraǵandy oblysynyń aýmaǵynda 23-25 aqpanda «Jasóspirim» jedel aldyn alý sharasy ótedi.
