Qaraǵandy oblysynda polıtseıler «Tonırovka» sharasyn ótkizip jatyr
ASTANA. QazAqparat - Qaraǵandy oblysynda bastap polıtsııa qyzmetkerleri «Tonırovka» reıdin ótkizip jatyr. Sharanyń negizgi maqsaty - avtomobıldi paıdalaný erejelerin buzýdy anyqtaý, deıdi Qaraǵandy oblystyq ІІD Jergilikti polıtsııa qyzmeti.
Mashınalarynda tereze perdeshesin nemese áınekterin qarańǵylatyp alǵan kólik ıelerine ákimshilik aıyppul taǵylady. Qaraǵandy oblysy ІІD Jergilikti polıtsııa qyzmeti kóliktiń áınekterine perdeshelerdi júrý barysynda qoldanýǵa bolmaıtynyn, ony tek turaqta turǵan kezde ǵana paıdalanýǵa ruqsat etilgenin taǵy da eskertedi. Perdesheler júrgizýshige mańyndaǵy qozǵalysty baıqaýǵa bóget bolyp, jol apatyna soqtyrýy múmkin. Ol jaıly QR JQE-niń №2 qosymshasynyń 7.3 pýkntinde aıtylady: «Júrgizýshi otyrǵan jerden kórýdi shekteıtin, jol qozǵalysyna qatysýshylardyń jaraqat alý qaýpin týdyratyn qosymsha zattar ornatylǵan. Mehanıkalyq kólik quraly kabınasynyń (salonynyń) jelqaǵar jáne (nemese) aldyńǵy búıirindegi áınekterine jabyndy jaǵylǵan ne bolmasa túrli-tústi plenkalar japsyrýǵa tyıym salynady». Ereje buzýshylarǵa bes aılyq kórsetkish esebinde (11345 teńge) aıyppul taǵylady.
2017 jyldyń basynan beri Qaraǵandy oblysynda «Jol qozǵalysynyń qaýipsizdigin qamtamasyz etetin bekitilgen erejelerge sáıkes kelmeıtin kólik quralyn basqarý» babyna saı ákimshilik jazaǵa 3390 avtokólik ıeleri tartyldy, dep habarlaıdy karaganda-region.gov.kz .
