Qaraǵandy oblysynda polıtseı kóligimen jas jigitti qaǵyp ketti
QARAǴANDY. QazAqparat - Qaraǵandy oblysynda polıtsııa qyzmetkeri kóligimen qaǵyp ketken 24 jastaǵy jigit qaza tapty, dep habarlaıdy QazAqparat.
Oblystyq ІІD baspasóz qyzmetiniń málimetinshe, jol apaty 30 qyrkúıekte bolǵan. Qaraǵandy oblysy boıynsha MKQB batalonynyń 28 jastaǵy qyzmetkeri tizgindegen «BMW 525» kóligi saǵat 00:51-de Shahtınsk qalasynan 8 shaqyrym jerde sol qalanyń turǵynyn qaǵyp ketti. Aýyr jaraqat alǵan jigit sol jerde kóz jumdy.
«Atalǵan fakt sotqa deıingi biryńǵaı tergeý tiziliminde tirkelgen. Barlyq qajetti saraptamalar taǵaıyndaldy. Tergeý amaldary júrgizilip jatyr», - dep túsindirdi vedomstvoda.
