Qaraǵandy oblysynda «Poker» oıyn bıznesin uıymdastyrǵan óńir turǵyny ustaldy

ASTANA. QazAqparat – Qaraǵandy oblysynda «STOP-ıgra» jedel aldyn alý is-sharasy aıasynda «Poker» zańsyz oıyn bıznesin uıymdastyrǵan óńir turǵynynyń qyzmeti áshkerelendi. Bul týraly Qarjylyq monıtorıng agenttiginiń baspasóz qyzmeti málim etti, dep habarlaıdy QazAqparat.

Qaraǵandy qalasyndaǵy qonaq úı keshenderiniń birinde jumys istegen astyrtyn poker klýbynyń qyzmeti áshkereledi. Tintý barysynda qolma-qol aqsha, uıaly telefondar, poker fıshkalary, oıyn kartalary, poker jıyntyǵy jáne «Poker» oınaýǵa arnalǵan ústel tabylyp, tárkilendi.

Uıymdastyrýshynyń bastapqy aqshalaı mólsherlememen qarajat úshin fıshkalardy satý arqyly qumar oıyndar ótkizgeni anyqtaldy.

Atalǵan faktiler boıynsha qylmystyq is tirkelip, sotqa deıingi tergeý júrip jatyr.

QR QPK 201-babyna sáıkes ózge aqparat tergeý múddesinde jarııa etýge jatpaıdy.

Foto: t.me/afm_rk