Qaraǵandy oblysynda páterde bolǵan órt ornynda er adamdardyń máıitteri tabyldy - QR TJM
ASTANA. 17 qyrkúıek. QazAqparat - Jeksenbi kúni tańerteń Qaraǵandy oblysynyń Jezqazǵan qalasynda bes qabatty úıdiń 5-shi qabatyndaǵy páterde 16 sharshy metr aýmaqta órt boldy, dep habarlady QR TJM.
Órt 1 saǵattan keıin sóndirildi. Tilsiz jaýdy aýyzdyqtaýǵa QR TJM Qaraǵandy oblysy boıynsha TJD órtke qarsy qyzmetiniń 11 adamy men 4 tehnıkasy jumyldyryldy. Órtti sóndirý kezinde eki er adamnyń máıitteri tabyldy, bireýiniń jeke tulǵasy anyqtalmady.
Sondaı-aq osy kúni Astana qalasynda ornalasqan 2 qabatty «Bastaý» qonaq-úı kesheniniń shatyry men tóbe jabyndysy órtendi. Ǵımarattyń 70 sharshy metr aýmaǵy janyp ketti.
Jalyn jarty saǵattan keıin sóndirildi. Jalyndy aýyzdyqtaýǵa QR TJM Astana qalasy boıynsha TJD órtke qarsy qyzmetiniń 14 adamy men 7 tehnıkasy, QR TJM «Apattyq medıtsına ortalyǵy» MM-niń 3 adamy men 1 tehnıkasy jumyldyryldy. Keshenniń ákimshiligi órt sóndirý qyzmeti kelgenge deıin 6 adamdy qaýipsiz aımaqqa kóshirdi. Qaza bolǵandar men zardap shekkender joq.
Shyǵys Qazaqstan oblysynyń Glýbokıı aýdanynda, saıajaıdyń jazǵy as úıinde turmystyq ballonnan (27 lıtr) gazdyń shyǵýy saldarynan aýa-gaz qospasy jarylyp, onyń órtke ulasty. 12 sharshy metr aýmaqqa taraǵan jalyn órt sóndirý qyzmeti kelgenge deıin aýyzdyqtaldy.
Kórshiler 60 jastaǵy áıeldi qaýipsiz aımaqqa kóshirgen, ol aýrýhanaǵa barýdan bas tartty. Órt bolǵan jerge QR TJM Shyǵys Qazaqstan oblysy boıynsha órtke qarsy qyzmetiniń 8 adamy men 2 tehnıkasy bardy.
