Qaraǵandy oblysynda para alǵan laýazymdy tulǵa sottaldy
ASTANA. QazAqparat - Qaraǵandy oblysynyń Shahtınsk qalalyq soty azamat O.-ǵa qatysty protsestik kelisim boıynsha kinásin rastaý týraly QR QK-niń 366-babynyń 2-bóliginde (para alý) qarastyrylǵan qylmysty jasaǵany úshin aıyptaý úkimin shyǵardy.
O. laýazymdy tulǵa bola tura J. men S.-niń múddesi úshin áreket etip, jeke notarıýspen kezdesýi barysynda Shahtınsk qalasynda ornalasqan páterdi zańsyz tirkeýdi oryndaý úshin aqshalaı eleýli somada para alady. Aıyptalýshy páter qala ákimshiligine tıesili ekendigin bilgen. Kóp uzamaı bul zańsyz rásimdeý turǵyn úı qorynyń qyzmetkerlerine belgili bolady. Osy oraıda, O. jaýapkershilikten jaltarý jáne qylmystyq áreketterdi jasyrý maqsatynda óz baǵynyshyndaǵy qyzmetkerge joǵaryda kórsetilgen páterdi ákimdikke tıisinshe qaıta tirkeý, ıaǵnı bastapqy qalpyna keltirý týraly nusqaý bergen. Sotqa deıingi tergeý barysynda O. óz kinásin moıyndap, kináni moıyndaý týraly protsestik kelisimge kelý nıetin bildirgen.
Sot oǵan para somasynyń alpys ese kóleminde, ıaǵnı 15 000 000 teńge mólsherinde aıyppul salyp, menshigindegi qylmystyq jolmen nemese qylmystyq jolmen tabylǵan qarajatqa alynǵan múlikti, sondaı-aq qylmystyq quqyq buzýshylyq qarýy men quraly bolyp tabylatyn múlikti tárkilep, memlekettik fýnktsııalardy oryndaýǵa ýákiletti laýazymdy atqarý quqyǵynan ómirlik aıyrý jazasyn taǵaıyndady.
Úkim zańdy kúshine engen joq.
