Qaraǵandy oblysynda ózin-ózi jumyspen qamtyǵandar MÁMS júıesine qatysa bastady

QARAǴANDY. QazAqparat – Ózin-ózi jumyspen qamtyǵanlar Qaraǵandy oblysynyń mindetti áleýmettik medıtsınalyq saqtandyrý júıesine qatysa bastady. Bul týraly «Mindetti medıtsınalyq saqtandyrý qory» KEAQ Qaraǵandy oblystyq fılıalynyń baspasóz qyzmeti málim etti, dep habarlaıdy QazAqparat tilshisi.

2019 jyly biryńǵaı jıyntyq tólemdi tólegenderdiń sany ótken jyldyń qyrkúıegimen salystyrǵanda 18%-ǵa ósti. Bul tólemder olarǵa medıtsınalyq saqtandyrýdy, ıaǵnı medıtsınalyq qyzmetterdiń keńeıtilgen paketin alýǵa múmkindik beredi.

«Biryńǵaı jıyntyq tólemdi tóleý arqyly azamattar medıtsınalyq saqtandyrý júıesiniń qatysýshysy ǵana emes, basqa da júıelerdiń qatýsýshysy bolady. Bul somanyń tek 40% Medıtsınalyq saqtandyrý qoryna, taǵy 30% zeınetaqy jarnalaryna, 20% -y áleýmettik saqtandyrýǵa jáne 10% jeke tabys salyǵyn tóleýge ketedi. ıAǵnı, BJT tóleýshisiniń eńbek ótili esepteledi, sonymen qatar ol áleýmettik saqtandyrý men medıtsınalyq saqtandyrýǵa qatysady», - dep túsindirdi Medsaqtandyrý qory Qaraǵandy fılıalynyń bas sarapshysy Janar Rakısheva.

Eske sala keteıik, BJT – bala kútýshiler, repetıtorlar, frılanserler, tabys tabatyn adamdar, hendmeıd ónimderin nemese qosalqy sharýashylyqtyń azyq-túligin satý sııaqty ózin-ózi jumyspen qamtyǵan adamdarǵa arnalǵan medıtsınalyq saqtandyrý júıesine qatysýdyń bir nusqasy. Biryńǵaı jıyntyq tólem mólsheri oblystyq mańyzy bar qalalar úshin – 2 525 teńge jáne qalǵan eldi mekender úshin - 0,5 AEK nemese 1 263 teńgeni quraıdy.