Qaraǵandy oblysynda ózenderdi tazartý jumysy bastalady

QARAǴANDY. QazAqparat – Qaraǵandy oblysynyń Osakarovka kentinde merdiger uıym Aqbastaý ózeniniń arnasyn sanatsııalaýǵa kirisedi. Sonymen qatar Nura ózeniniń arnasyn tazartý josparlanyp otyr. Jumysty osy jyldyń qazan aıynda aıaqtaý josparlanǵan, dep habarlaıdy QazAqparat tilshisi.

Osakarov aýdanynyń ákimi Núrken Qobjanov «Tolagai-2050» JShS merdigerlik uıymy, tabıǵı resýrstar jáne tabıǵat paıdalanýdy retteý basqarmasy, avtorlyq jáne tehnıkalyq qadaǵalaý ókilderiniń qatysýymen keńes ótkizdi.

Kezdesýde aldaǵy jumystardyń barysy talqylandy.

«Aqbastaý ózeni Osakarovka kenti arqyly ótedi. Arna qatty bitelgen. 2020 jyly aýdan ákimdigi tazartý jobasyn ázirledi. Bıyl basqarma 2022-2024 jyldarǵa arnalǵan qorshaǵan ortany qorǵaý jónindegi is-sharalar jospary aıasynda qarajat bóldi. Ýchaskeniń uzyndyǵy - 3,5 km, jaǵalaýdy bekitý, úsh jaıaý júrginshiler kópirin qalpyna keltirý, balshyqtan, qoqystan, shógindilerden tazartý júrgiziledi», – dedi oblystyq nabıǵı resýrstar jáne tabıǵat paıdalanýdy retteý basqarmasynyń bólim basshysy Darhan Asqarov.

Jobanyń maqsaty – ózen arnasyn qamystan, butalardan, aǵashtardan tazartý jáne adamdardyń kedergisiz ótýin qamtamasyz etý.

Darhan Asqarov ózenderdi sanatsııalaý boıynsha basqa da jobalar týraly habarlady. Bıyl oblys boıynsha segiz ýchaske josparlanǵan.

Aqbastaýdan basqa, Qaraǵandydaǵy Solonka ózeni, Nura, Buqar Jyraý aýdandaryndaǵy jáne Temirtaý mańyndaǵy Nura ózeniniń ýchaskeleri tazartylady.