Qaraǵandy oblysynda ózende joǵalyp ketken eki aǵaıyndynyń biriniń denesi tabyldy
QARAǴANDY. QazAqparat - TJ departamentiniń súńgýirleri men ІІM Ulttyq gvardııa №52859 áskerı bóliminiń sarbazdary Qaraǵandy oblysy Qarqaraly aýdany Qopa ózeninen aǵaıyndylardyń biriniń denesin tapty. Olar 2 sáýir kúni kúndiz qatty sý tasqyny kezinde aǵyndy ózenge qulap ketken, dep habarlaıdy «QazAqparat» HAA tilshisi.
1980 jylǵy er kisi oqıǵa ornynan 2-2,5 shaqyrym qashyqtyqtan tirshilik belgilerinsiz tabyldy. Onyń 1977 jyly dúnıege kelgen aǵasy izdestirilýde», - dep habarlady Qaraǵandy oblystyq TJ departamentiniń baspasóz qyzmeti.
Eske sala keteıik, 2 sáýir kúni eki aǵaıyndy Qaraǵandy oblysy Qarqaraly aýdany Nurken aýylynyń mańynda jaıylyp júrgen malyn izdep shyǵyp, sodan iz-túzsiz joǵalyp ketken edi.
Bul sý tasqynyna qatysty jýyq kúnderi óńirde bolǵan birinshi tótenshe oqıǵa emes. Buǵan deıin, 31 naýryz kúni, Qarqaraly aýdany Besoba aýylyna 13 shaqyrym jerde «ÝAZ» kóligi sýǵa batyp, 3 adam qaza tapqan edi. Keıin úsheýiniń de denesi tabyldy.
