Qaraǵandy oblysynda oıyn-saýyq ortalyqtary, tsırk jáne qonaq úıler ashylady

QARAǴANDY. QazAqparat – Qaraǵandyda oblystyń bas sanıtarııalyq dárigeriniń jańa qaýlysy shyqty. Atalmysh qujatqa saı, kenshiler óńirinde 8 maýsymnan bastap balalardyń oıyn-saýyq ortalyqtary, tsırk pen qonaq úıler, sanatorııler men demalys úıleri óz jumysyn qaıta bastaıdy, dep habarlaıdy QazAqparat tilshisi.

Qaýly boıynsha kelesi ózgerister engizildi, atap aıtqanda «Ashyq» jobasyna qatysatyn kásipkerlik nysandarynyń tizimi keńeıtildi, balalarǵa arnalǵan (jabyq túrdegi) oıyn-saýyq ortalyqtary, tsırkter, otelder, qonaq úıler qosyldy.

Osylaısha, balalar oıyn-saýyq ortalyqtary (jabyq túrdegi) bir adamǵa keminde 10 sh.m. aýmaq berilip, 30 adamnan aspaı jumys isteýi kerek;

Aýdany 1000-nan 3000 sharshy metrge deıingi balalar oıyn-saýyq ortalyqtarynda (jabyq túrdegi) bir adamǵa keminde 10 sh.m. aýmaq berilip, 60 adamnan aspaı jumys isteýi kerek;

- Tsırkter adam syıymdylyǵyn 30%-dan asyrmaı jumys isteı alady;

- Otelder, qonaqúıler qyzmeti shekteýsiz;

- fýd-korttarǵa saǵ. 22-00 ge deıin (burynyraq saǵ. 20-00 deıin) jumys isteýine ruqsat berildi.

Departamentte halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn saqtamaı, oqshaýlaý rejımin buzǵany úshin «qyzyl» mártebesi bar jeke tulǵaǵa qatysty «Ákimshilik quqyq buzýshylyq týraly» 2014 jylǵy 5 shildedegi Qazaqstan Respýblıkasynyń Kodeksine sáıkes ákimshilik sıpattaǵy sharalar qoldanylatyny týraly eske saldy.

«Sary» mártebesi bar jeke tulǵaǵa qatysty tıisti ákimshilik-aýmaqtyq bas memlekettik sanıtarııalyq dárigeriniń oqshaýlaý qajettiligi talaptarymen sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy júrgizý týraly qaýlysy shyǵarylady.

12 jastan asqan balalardyń kompıýterlik klýbtarǵa, tsırkterge, kınoteatrlarǵa kirýi «Ashyq»qosymshasynda erikti túrde tirkelý arqyly júzege asyrylady.

Sonymen qatar, jobaǵa qatysýshy kásipkerlik nysandaryna kirý úshin «Ashyq» mobıldi qosymshasyn basqa platformalar arqyly paıdalanýǵa bolady. Mysaly, osy qosymsha eGov mobile, Aitu, Kaspi.kz, Halyk Bank, Sberbank.kz, www.ashyq.kz. saıty arqyly qoljetimdi.

Sondaı-aq, senbi jáne jeksenbi kúnderi qalaaralyq oblysishilik turaqty jolaýshylar qozǵalysy kelesi baǵyttarda: Qaraǵandy - Temirtaý - Qaraǵandy; Qaraǵandy - Saran - Qaraǵandy; Qaraǵandy - Shahtınsk - Qaraǵandy; Qaraǵandy - Abaı - Qaraǵandy; Qaraǵandy - Shahan - Qaraǵandy; Qaraǵandy - Topar – Qaraǵandy qalpyna keltiriledi.

Sonymen qatar oblysta sanatorıı-kýrorttyq uıymdar (úıler, demalys ortalyqtary men demalys aımaqtary, sanatorııler men profılaktorııler) ǵımarattardy jobalyq qýatynyń 80%-nan aspaıtyn kólemde toltyrýmen jáne jaǵajaılardyń jumys isteýimen (buryn jaǵajaılardyń jumysyna tyıym salynǵan) qyzmet etedi.

Qaýly 2021 jylǵy 8 maýsym kúni saǵat 00-00 bastap kúshine enedi.