Qaraǵandy oblysynda osydan 5 aı buryn joǵalǵan eki balanyń denesi tabyldy
QARAǴANDY. Sáýirdiń 21-i. QazAqparat /Valentına Elızarova/ - Qaraǵandy oblysynda, keshe, sáýirdiń 21-inde Buqar jyraý aýdanyndaǵy Krasnaıa Nıva selosynyń turǵyndary toǵannan osydan bes aı buryn osy aýyldan joǵalyp ketken eki balanyń denesin tapty.
Toǵan selodan úsh shaqyrymdaı jerde ornalasqan.
Esterińizge sala keteıik, ótken jyly qarashanyń 9-ynda Krasnaıa Nıva selosynda belgisiz jaǵdaıda 9 jáne 13 jastaǵy aǵaıyndy eki bala joǵalyp ketken bolatyn. Qutqarýshylar, polıtseıler jáne jergilikti turǵyndar olardy uzaq ýaqyt boıy izdep tappaǵan edi. Oblystyq tótenshe jaǵdaılar departamentiniń deregi boıynsha, Krasnaıa Nıva selosynan 40-45 shaqyrym radıýstyń barlyǵy tekserilgen. Polıtseıler, balalardy bireýler urlap ketýi múmkin dep paıymdap, «Adam urlaý» baby boıynsha qylmystyq is qozǵaǵan edi.
