Qaraǵandy oblysynda oryn alǵan iri jol-kólik oqıǵasy 5 adamnyń ómirin qıdy, onyń 2-ýi Reseı azamattary
ASTANA. Sáýirdiń 2-si. QazAqparat - Qaraǵandy oblysyna qarasty «Almaty-Ekaterınbor» avtojolynyń 607-shi shaqyrymynda iri jol-kólik oqıǵasy oryn alyp, 5 adamnyń ómirin qıdy, olardyń 2-ýi Reseı Federatsııasynyń azamattary, dep habarlady QR Tótenshe jaǵdaılar mınıstrliginiń baspasóz qyzmetinen.
«Mersedes» jáne «Aýdı» kólikteriniń soqtyǵysýy oblys aýmaǵyna kiretin Aqtoǵaı aýdanynda, sáýirdiń 2-si kúni saǵat 21:20-da oryn aldy. Oqıǵa saldarynan eki kóliktiń de júrgizýshileri, birinshi avtomobıldiń 1, ekinshisiniń - 2 jolaýshysy oqıǵa ornynda kóz jumdy. Qaza bolǵandardyń arasynda 4 jastaǵy sábı men Reseı eliniń eki azamaty bar.
