Qaraǵandy oblysynda órtten 8 adam qutqarylyp, 15 adam evakýatsııalandy
QARAǴANDY. QazAqparat –Qaraǵandy oblysy Tótenshe jaǵdaılar departamentiniń bólimsheleri keshe, 5 sáýirde órt sóndirýge jáne avarııalyq-qutqarý jumystaryn júrgizýge 12 ret shyqty. Onyń barysynda 11 adam qutqaryldy, 7 bala jáne 15 adam evakýatsııalandy, dep habarlaıdy QazAqparat tilshisi.
5 sáýir kúni 17:48-de Balqash qalasynda órt shyqqany týraly habarlama kelip tústi. Jeltoqsan kóshesi boıyndaǵy 5 qabatty turǵyn úıdiń 4-shi qabatyndaǵy páterde jalpy aýdany 10 sharshy metr aýmaqta órt oryn aldy. №5 mamandandyrylǵan órt sóndirý bóliminiń kúshimen 5-shi qabattaǵy páterden avtosaty arqyly 2 adam qutqaryldy, onyń ishinde 1 bala jáne baspaldaq marshy arqyly 8 adam evakýatsııalandy. Órt 18:43-te sóndirildi. Qaza bolǵandar men zardap shekkender joq. Aldyn ala boljam boıynsha órttiń sebebi - elektr symdarynyń qysqa tuıyqtalýynan.
Túnde saǵat 23:30-da «01» pýltine Qaraǵandy qalasy Ishımskaıa kóshesindegi 4 qabatty úıde órt shyqqany týraly habarlama kelip tústi.
Órt sóndirý bólimsheleri shaqyrý ornyna jetkende kireberiste qatty tútindep jatqan. Gaz-tútinnen qorǵaý qyzmetiniń eki býyny jedel podezd turǵyndaryn qutqarýǵa jáne
evakýatsııalaýǵa kiristi.
«Qutqarýshylar baspaldaq marshy boıynsha kireberis páterlerinen qutqarý qalpaqtarynyń
kómegimen 6 adamdy, onyń ishinde 4 balany qutqaryp, 7 adamdy evakýatsııalady. 4-qabattaǵy páterde bolǵan órt saldarynan jeńil dárejede gazben ýlanǵan 1996 jyly týǵan páterdiń turǵyny men 2017, 2018 jáne 2020 jyly týǵan balalar medıtsınalyq mekemege jatqyzyldy», - dep málimdedi Qaraǵandy oblystyq TJD baspasóz qyzmeti.
Órtti sóndirýge Qaraǵandy oblysy TJD Órt sóndirý qyzmetiniń jeke quramynan 26 adam jáne 7 tehnıkasy jumyldyryldy. Aldyn ala boljam boıynsha órttiń sebebi elektr symdarynyń qysqa tuıyqtalýynan bolǵan.
