Qaraǵandy oblysynda Ortalyq Azııadaǵy eń iri kún elektr stantsııasy jumysyn bastaıdy
ASTANA. QazAqparat - 23 qańtar kúni Qaraǵandy oblysynyń Saran qalasynda Ortalyq Azııadaǵy eń iri kún elektr stantsııasy iske qosylady, dep habarlaıdy QazAqparat tilshisi.
«23 qańtarda Qaraǵandy oblysynyń Saran qalasynda Ortalyq Azııadaǵy eń iri - qýattylyǵy 100 mgVt bolatyn «Saran» kún elektr stantsııasyn ashý josparlanýda. Atalǵan is-sharaǵa QR SІM ókilderi men Germanııanyń Qazaqstandaǵy elshisi Tılo Klıenderdiń qatysýy kózdelýde. Jobany «Canadian Solar Incortoration» kompanııasynan 300 myńnan astam kún modýlin qoldanatyn Germanııa, Chehııa jáne Slovakııa respýblıkalarynyń ınvestıtsııalyq toby júzege asyrady», - dedi búgin baspasóz máslıhatynda QR Syrtqy ister mınıstrliginiń resmı ókili Aıbek Smadııarov.
Onyń aıtýynsha, budan buryn atalǵan joba «Astana EKSPO - 2017» Halyqaralyq mamandandyrylǵan kórmesiniń Qazaqstan pavılonynda tanystyrylǵan.
Eske sala ketsek, ótken jyly Astanada ótken baspasóz máslıhatynda Qaraǵandy oblysynyń ákimi Erlan Qoshanov 160 gektar aýmaqty alyp jatqan Sarandaǵy kún elektr stantsııasy jýyq arada jumysyn bastaıtynyn málim etken edi.
«Osy jyldyń eń jarqyn jobalarynyń biri týraly aıta keteıin. Ol - Ortalyq Azııadaǵy qýattylyǵy 100 mgVt bolatyn kún elektr stantsııasy. Naqtyraq aıtsam, Saran qalasynda 160 gektar aýmaqta 307 myń kún paneli jumysyn bastaıdy. Erekshe atap óterligi, osy kún elektr stantsııasynan bólinetin energııa - Saran sekildi on birdeı qalaǵa jetkilikti bolady», - degen edi Erlan Qoshanov.
