Qaraǵandy oblysynda órt sóndirýshiler jappaı jumystan ketip jatyr
QARAǴANDY. QazAqparat - Qaraǵandy oblysynyń órt sóndirý bólimshelerinde órt sóndirýshiler men órt sóndirgish kólikterdiń júrgizýshileri jappaı jumystan shyǵyp jatyr, dep habarlaıdy «QazAqparat» HAA tilshisi.
Qaraǵandy oblysy TJ departamenti baspasóz qyzmetiniń málimetinshe, shtattyń tolyq quramy úshin 44 órt sóndirýshi jáne 52 órt sóndirý kólikteriniń júrgizýshi qyzmetkerleri kerek.
«Mamandar kóp aýysady. Únemi kúızelis jaǵdaıynda jumys istegendikten, sondaı-aq jaraqat alý qaýpi bolǵandyqtan, onyń ústine órt kezindegi joǵary temperatýra, zardap shekkendiktiń saldarynan óz erikterimen jumystan ketedi. Biraz bóligi zeınetkerlikke shyǵyp jatyr. Bizdiń qyzmette zeınet jasy - 47», - dedi Qaraǵandy oblysy TJ departamenti baspasóz qyzmetiniń basshysy Janna Dáýrenbekova.
Órt sóndirýshiniń jalaqysy eńbek sińirgen jyldaryna baılanysty - 50 436 teńgeden 76 097 teńgege deıin. Jumystan ketip jatqan órt sóndirýshiler jalaqynyń azdyǵyna shaǵymdanady. Bastapqyda bári órtten zardap shekken adamdar men olardyń múlikterin qutqarýǵa degen talpynyspen keledi, keıinnen órt sóndirýden qoldary bosaǵan ýaqyttarda túngi ýaqytta taksı júrgizýshisi bolyp qosymsha tabys taýyp júredi.
