Qaraǵandy oblysynda órt eki adamnyń ómirin qıdy
QARAǴANDY. QazAqparat - Qaraǵandy oblysynyń Prıozersk qalasynda temeki tuqylynan tutanǵan órt eki adamnyń ómirin qıdy, dep habarlaıdy QazAqparat tilshisi.
«7 maýsymda Prıozersk qalasyndaǵy 5 qabatty turǵyn úıde órt boldy. Ol órt sóndirý qyzmeti jetkenge deıin sóndirilgen. Oqıǵa ornynan 57 jastaǵy er adam men 56 jastaǵy áıeldiń denesi tabyldy», - dep málimdedi Qaraǵandy oblystyq tótenshe jaǵdaılar departamentiniń baspasóz qyzmeti.
Vedomstvo ókilderiniń aıtýynsha, jalyn 1 sharshy metr aýdandy sharpyǵan. Aldyn ala málimetterge qaraǵanda órttiń tutanýyna temeki tuqyly sebep bolǵan.
Jyl basynan beri oblysta dál osy sebep boıynsha 111 órt oqıǵasy tirkelgen, jalpy 9 adamnyń ómiri qıylyp, 6 adam zardap shekken.
