Qaraǵandy oblysynda óńdeý ónerkásibi ónimderiniń eksporty ulǵaıdy
Atalmysh salada 2025 jylǵa deıin eksportqa baǵdarlanǵan jeti jobany iske qosý josparlanyp otyr. Óńirde kún energetıkasyn damytý jalǵasady.
Oblys aktıviniń otyrysynda QR Prezıdentiniń «Halyq birligi jáne júıeli reformalar – el órkendeýiniń berik negizi» Joldaýyn iske asyrý boıynsha júzege asyrylatyn sharalar talqylandy.
«Memleket basshysy ekonomıkany ártaraptandyrý, óndiriletin taýarlar nomenklatýrasyn keńeıtý jáne eksport aýqymyn keńeıtý jónindegi jumysty jalǵastyrýdy tapsyrdy. Qolda bar ónerkásiptik áleýet pen bilikti eńbek resýrstarynyń negizinde bizdiń oblys óńdeýshi ónerkásiptiń «ósý núktesine» aınalýy tıis», - dep atap ótti oblys ákimi Jeńis Qasymbek.
Óńir óńdeý ónerkásibi ónimderiniń eksportyn ulǵaıtty. Jańa óndirister syrtqy naryqtarǵa odan ári ilgerileýge kómektesedi. 2025 jylǵa qaraı keminde bes joǵary tehnologııalyq ınnovatstsııalyq jobany iske asyrý josparlanýda.
Keńeste ekonomıka men áleýmettik saladaǵy halyqtyń ómir súrý sapasyn jaqsartýǵa baǵyttalǵan sharalar kesheni qarastyryldy.
AÓK-de ósimdik sharýashylyǵyn ártaraptandyrýǵa jáne mal sharýashylyǵyn damytýǵa basa nazar aýdarylatyn bolady. Aýyl sharýashylyǵynda 1500-ge jýyq jumys ornyn qurýmen keminde on ınvestıtsııalyq jobany iske asyrý josparda bar.
Bıznesti qoldaý úshin memlekettik baǵdarlamalardan basqa óńirlik quraldar paıdalanylady. Atameken Qaragandy mıkroqarjy uıymy jumys isteıdi.
Áleýmettik ınfraqurylymdy damytý jalǵasady. Óńirde jeti densaýlyq saqtaý nysanynyń qurylysy júrip jatyr. Aýyldyq jerlerde úsh jańa mektep paıda bolady. Oblys ortalyǵynda damyp kele jatqan shaǵyn aýdandarda bes mektep salý josparlanýda, onyń ishinde memlekettik-jekemenshik áriptestik boıynsha da jobalar qarastyrylǵan.
Keńeste Joldaýdyń árbir baǵyty boıynsha óńirdi damytýdyń negizgi basymdyqtary men qoıylǵan mindertterge qol jetkizý strategııasy belgilendi.
