Qaraǵandy oblysynda «Oqyrman otbasy – 2021» baıqaýy qorytyndylandy
«Memleket basshysynyń tapsyrmasy boıynsha oblysta balalardy kitap oqýǵa tartý boıynsha aýqymdy is-sharalar júzege asyrylýda. «Oqý mektebi» jobasy aıasynda mektep kitaphanalarynyń qoryn tolyqtyrýǵa 135 331 birlik kórkem ádebıet satyp alyndy. Alǵash ret mektep kitaphanashylarynyń forýmy ótti. Oqýshylardyń oqýǵa degen qyzyǵýshylyǵyn arttyrý úshin býkkrossıng, 20 mınýttyq oqý, 100 kitap jáne basqa da jobalar júzege asyrylýda. Otbasylyq oqý dástúrlerin jańǵyrtý úshin 2019 jyldan bastap óńirde «Bir otbasy – bir kitap» aktsııasy bastaldy, oǵan 15 myńnan astam bala men ata-ana qatysty. Osy is-shara aıasynda bıyl «Oqyrman otbasy» baıqaýy bastaldy», – dep habarlady Bilim basqarmasynan.
«Oqyrman otbasy» baıqaýynyń fınalyna 14 otbasy ótti. «Býktreıler» nomınatsııasyn Balqash qalasynda turatyn Halabaevtar otbasy jeńip aldy. «Sahnalyq kóriniste» qaraǵandylyq Maǵjan otbasy birinshi boldy. Jezqazǵannan kelgen Ótetileýovtar «Eń shyǵarmashyl otbasy» atandy. Al Osakarov aýdanynyń Afeı otbasy «Kórermender kózaıymy» syılyǵyna ıe boldy.
Jeńimpazdar dıplomdarmen jáne aqshalaı sertıfıkattarmen marapattaldy.
