Qaraǵandy oblysynda oqýshylar shuǵyl jelige shaǵymdana alady
QARAǴANDY. QazAqparat - Qaraǵandy oblysynda qıyn jaǵdaılarǵa tap bolǵan balalar men jasóspirimderge arnalǵan táýliktik Senim telefony iske qosyldy, dep habarlaıdy QazAqparat tilshisi Qaraǵandy oblystyq Bilim basqarmasyna silteme jasap.
Shuǵyl jelini memlekettik áleýmettik tapsyrys aıasynda Qaraǵandy oblystyq Bilim basqarmasy men «Mır dobra» qoǵamdyq birlestigi qurdy. Ol 2018 jyldyń shildesinen jumysyn bastady. Senim telefonynyń basty mindeti - qıyn jaǵdaılarǵa tap bolǵan balalarǵa, olardyń zańdy ókilderine psıhologııalyq, áleýmettik, quqyqtyq jaǵynan kómek kórsetý jáne keńes berý.
Senim telefony táýlik boıy, tegin jumys isteıdi. Sondaı-aq júginýshiniń aty-jónin jarııalamaýǵa kepildik beriledi.
Qajetti aqparattar men keńes alý úshin 8 800 070 02 17 senim telefonyna habarlasýǵa bolady. Sonymen qatar zańger jáne psıhologpen júzbe-júz kezdesýge bolady.
