Qaraǵandy oblysynda oqýshylar aýyl mańyndaǵy joldardy jóndedi
QARAǴANDY. QazAqparat - Qaraǵandy oblysynyń Abaı aýdanyndaǵy Volnyı aýylynyń oqýshylary eldi meken mańyndaǵy joldaǵy barlyq shuńqyrlardy óz kúshimen kómip tastady, dep habarlaıdy QazAqparat tilshisi.
Instagram -daǵy tanymal pablıkterdiń birinde jergilikti balalar aýyl mańyndaǵy jolda shuńqyrlardy jaýyp jatqan beıne jarııalandy. Oqýshylar osylaısha trassanyń úlken bóligin qamtyǵan. Olar bul bastamaǵa ózderi barǵanyn aıtady. Oqýshylar oıyq-shuńqyrlarǵa toly joldardan sharshaǵanyn aıtady.
Abaı aýdanynyń ákimdigi atalǵan jol ýchaskesin jóndeýge oń saraptama qorytyndysy bar ekenin habarlady.
«9 shaqyrym jol tósemin jóndeý qajet. Bıýdjettik ótinim oblystyq avtomobıl joldary basqarmasyna berildi. Qarjyny kútip otyrmyz», - dep túsindirdi Abaı aýdany ákimdiginiń baspasóz qyzmeti.
