Qaraǵandy oblysynda oqýlyqtardy qaıta basyp shyǵarýǵa 1,7 mlrd teńge bólindi
QARAǴANDY. QazAqparat – Qaraǵandy oblysynda oqýshylardy tegin oqýlyqtarmen qamtamasyz etý boıynsha jumystar qarqyndy júrgizilýde. Bir apta ishinde júk kólikteri aımaqqa baspa ónimderiniń eki úlken partııasyn jetkizdi, dep habarlaıdy QazAqparat tilshisi.
«Búgingi tańda mektep qorynan 2–11 synyp oqýshylaryna oqýlyqtar berildi. Bıylǵy jyly 1-synyp jáne 2–11-shi synyptar úshin tozǵan kitaptardy aýystyrýǵa qaıta shyǵarylǵan oqýlyqtarǵa tapsyrys berildi. 1 mlrd 766 mln teńgege 16 baspamen kelisimshart jasaldy. Oblys boıynsha bes tasymaldaýshy anyqtaldy», – dedi Bilim basqarmasynyń basshysy Gúlsim Qojahmetova óziniń Facebook-paraqshasynda.
Onyń aıtýynsha, oqýlyqtardyń birinshi toptamasy – 30 shildede, ekinshisi 5 tamyzda keldi. Jetkizýdi 25 tamyzǵa deıin tolyq aıaqtaý josparlanýda.
Vedomstvonyń málimetinshe, oblys boıynsha jańa oqý jylynda mektep oqýshylarynyń sany shamamen 209 myń adamdy quraıdy, onyń ishinde birinshi synyp oqýshylary – 21 800.
