Qaraǵandy oblysynda nysandardyń jumysyna ózgertýler engizildi – qaýly
Qaraǵandy oblysynyń bas sanıtarııalyq dárigeriniń jańa qaýlysyna sáıkes óńirdiń áleýmettik-ekonomıkalyq nysandarynyń jumysyna kelesideı ózgertýler engizildi.
Jeksenbi kúnderi ASHYQ jobasyna qatyspaıtyn nysandar: azyq-túlik emes dúkender (jeke turǵan), onyń ishinde aýdany 2000 sharshy metrden astam saýda jelilerinde, jabyq bazarlarda, saýnalar, SPA-ortalyqtar, basseınder, sport keshenderi, sporttyq-saýyqtyrý ortalyqtary jáne fıtnes-ortalyqtar, ıoga ortalyqtaryn qosa alǵanda, saýda-oıyn-saýyq ortalyqtary, saýda úılerinińqyzmeti qaıta jandanady.
Sondaı-aq ASHYQ jobasyna qatyspaıtyn obektilerdiń jumys rejımine kelesideı jeńildetýler engiziledi:
- balalar túzetý kabınetterinde, balalar men eresekterdiń bilim berý ortalyqtarynda 15 adamnan aspaıtyn toptyń tolýyn shekteý alynady;
- halyqtyń turýy boıynsha qyzmet kórsetý salasyndaǵy uıymdarda (qonaq úıler, otelder, sanatorlyq-kýrorttyq uıymdar, demalys úıleri/bazalary, týrıstik bazalar jáne t. b.) 80% toltyrylý shekteýi alynyp tastalady;
- sulýlyq ortalyqtary men salondarynda, shashtarazdyq, kosmetologııalyq qyzmet kórsetetin obektilerde, sondaı-aq manıkıýr men pedıkıýr qyzmetterin aldyn ala jazý boıynsha qabyldaý talaby joıylady;
Karantın sharttarynyń jeńildetilýi qoǵamdyq tamaqtaný nysandarynda da qarastyrylǵan. Meıramhana, dámhana jáne kofehana tıpi boıynsha nysandarǵa toltyrylýy50%, biraq 50 orynnan asyrmaı saǵat 7-den 24.00-ge deıin jumys isteýge, al «Ashyq»qosymshasyn paıdalaný arqyly adamdar sanyn 60 adamǵa deıin ulǵaıtýǵa ruqsat etiledi. Al ashana tıpi boıynsha qoǵamdyq tamaqtaný obektilerine «Ashyq» qosymshasyn paıdalanǵan jaǵdaıda da, onsyz da táýlikboıy jumys isteýge ruqsat etiledi (buryn 24.00-ge deıin bolǵan).
8 qazanynan bastap kúshine enetin qaýlynyń tolyq mátinin myna jerden oqýǵa bolady.
