Qaraǵandy oblysynda Nura ózeninen ótetin kópir salynady
QARAǴANDY. QazqAqparat – Qaraǵandy oblysynyń Nura aýdanynda Tassýat aýylynyń turǵyndary paıdalanatyn ótkel nyǵaıtylady. Al bolashaqta Nura ózeni arqyly ótetin jańa kópir salynady, dep habarlaıdy QazAqparat tilshisi.
Bul týraly Tassýat aýylynyń turǵyndaryna Qaraǵandy oblysy ákiminiń orynbasary Ermek Alpysov pen TJD bastyǵy Murat Qatpanov málim etti. Aýyl turǵyndarymen kezdesý óńir basshysy Jeńis Qasymbektiń tapsyrmasy boıynsha ótti.
Jalpy oblystaǵy sý tasqyny jaǵdaıy turaqty. Birde bir turǵyn úıge sý ótý derekteri tirkelmedi. Ózenderdegi sý deńgeıi tómendeýde.
«Nura ózeni arqyly ótetin jańa kópir salý týraly sheshim qabyldandy.
Qazirgi ýaqytta jobalyq-smetalyq qujattamany ázirleý máselesi qarastyrylýda», - dep habarlady Ermek Alpysov.
