Qaraǵandy oblysynda nemeresin óltirdi degen kúdikti tutqyndaldy
QARAǴANDY. QazAqparat - Sot úsh jasar nemeresin óltirdi degen kúdikpen Qaraǵandy oblysy Shet aýdanynyń turǵynyn eki aıǵa qamaý týraly sheshim shyǵardy, dep habarlaıdy «QazAqparat» HAA tilshisi.
Shet aýdandyq tergeý soty ІІB tergeýshisiniń ótinishin qanaǵattandyryp, Aqadyr aýylynyń 39 jastaǵy turǵynyna qatysty eki aı «qamaýda ustaý» sharasyn qoldanýǵa sanktsııa berdi.
Eske sala keteıik, Qaraǵandy oblysynyń Shet aýdanyndaǵy Aqadyr aýylynyń turǵyny mas kúıde úsh jasar nemeresiniń moınyna pyshaq salyp, uıyqtap qalǵan. Tańerteń uıqydan turǵanda ólip jatqan nemeresin kórip, óz anasynyń úıine ketken. Sodan keıin jasyrynǵan. Ol jan túrshigerlik qylmystan bir apta ótken soń ustalǵan.
