Qaraǵandy oblysynda mysty barlaý jumystary bastaldy
QARAǴANDY. QazAqparat - Avstralııalyq-brıtanııalyq kontsern Qaraǵandy oblysynyń jer qoınaýyndaǵy mys-porfır rýdalaryn izdeýdi qolǵa aldy, dep habarlaıdy «QazAqparat» HAA tilshisi.
Qaraǵandy oblysynyń baspasóz qyzmeti málimdegendeı, avstralııa-brıtanııalyq «Rio Tinto» kontserni «Qazgeologııa» aktsıonerlik qoǵamymen birlesip, barlaý jumystaryn júrgizýde.
«Іzdeý jumystary aýdannyń eki bóliginde - «Qorǵantas» pen «Balqash-Saryshaǵan» aýmaǵynda júrgizilip jatyr. Geologııalyq obarlaý jumystarynyń nátıjesinde mınımaldy ken qory 1 mlrd tonna bolatyn álemdik dárejedegi mys kenishterdi tabý kózdelýde. Іzdeý jumystaryna 3 mıllıard 400 mıllıon teńge ınvestıtsııa salyndy», -dep habarlady ákimdiktiń baspasóz qyzmeti.
«Shet aýdanynda ornalasqan «Qorǵantas» - «Rio Tinto» kompanııasynyń Qazaqstandaǵy alǵashqy jobasy. Sheshim qabyldamas buryn kontsern kóp jyldar boıy bizdiń eldi zerttep júrdi. Sheteldik ınvestor aımaqtaǵy jaǵdaıǵa qyzyqqan. «Geologııalyq barlaý - bul táýekeli mol is. Investor keleshekke senim artty. 2015 jyly bastaý alǵan joba 5-6 jylǵa eseptelgen», - delingen ákimdik bergen aqparatta.
Qazirgi ýaqytta «Qorǵantas» aýmaǵynda geofızıkalyq jer.sti zertteý jumystary aıaqtaldy. Kólemi 2 500 metr bolatyn burǵylaý jumystary bastalǵan. Kompanııa «Balqash-Saryshaǵan» mańyndaǵy jumysyn da jalǵastyryp jatyr. Munda aýadaǵy aerogeofızıkalyq zertteý jumystary júrgizilýde. Balqash-Saryshaǵan 13 000 sharshy metr aýmaqty alsa, Qorǵantas aımaǵy 4000 sharshy metr shamasynda.
«Rio Tinto» kópjyldyq tájirıbesi bar, geologııa men qordy baǵalaýda aldyńǵy tehnologııany qoldanatyn álemdik taý-ken kompanııasy. Kompanııa álemniń 40 elinde jumys jasaıdy.
