Qaraǵandy oblysynda munaı bazasy órtendi, úsh jasóspirimdi kúıik shaldy - QR TJM
ASTANA. 28 maýsym. QazAqparat - Qaraǵandy oblysynda munaı bazasynda órt boldy, saldarynan úsh jasóspirimdi kúıik shaldy, dep habarlady QR TJM-niń baspasóz qyzmetinen.
Sársenbi, 27 maýsym kúni Qaraǵandy oblysyndaǵy Shoqaı temirjol stansysynda jumys istemeı turǵan munaı bazasynda nasostyń bólshekteri men ashyq alańdaǵy shóp órtene bastady.
Órt aýmaǵy 190 sharshy metrdi qurady. Oqıǵa ornynan kúıik jaraqattaryn alǵan 1998, 1996 jáne 1994 jylǵy úsh jasóspirim aýrýhanaǵa jetkizildi.
Tilsiz jaýmen kúreske QR TJM Qaraǵandy oblysy boıynsha TJD órt sóndirý qyzmetiniń 4 adamy men 1 tehnıkasy qatysty.
