Qaraǵandy oblysynda múmkindigi shekteýli adamdarǵa arnalǵan páterler salynýda
QARAǴANDY. QazAqparat - Saran qalasynda 120 páterlik kópqabatty úı salynýda. Olardyń basym bóligi múmkindigi shekteýli jandarǵa arnalǵan, dep habarlaıdy QazAqparat tilshisi.
Mundaı páterler jańa úıdiń 1-shi qabatynda ornalasady. Árqaısysynda arnaıy vanna men tutqalar ornatylǵan biriktirilgen sanıtarlyq toraptar bolady. Keń etip qoıylǵan esikter arbaǵa tańylǵan jandardyń bólmede erkin qozǵalýǵa múmkindik beredi. Kireberiste arnaıy kótergish qurylǵylar men pandýstar ornatylady.
Alty kireberisi bar kópqabatty úıdiń qurylysyn merdigerler jyl sońyna deıin aıaqtaýdy josparlap otyr. Bul jerden jalǵa beriletin turǵyn úı kezeginde turǵan múmkindigi shekteýli 15 adam baspana alady.
