Qaraǵandy oblysynda meıramhanadaǵy jarylystan 1 áıel qaza boldy
SÁTBAEV. QazAqparat – Qaraǵandy oblysynyń Sátbaev qalasynda meıramhanada gaz ballony jaryldy, dep habarlaıdy QazAqparat tilshisi.
QR ІІM Tótenshe jaǵdaılar komıtetiniń málimetinshe, búgin saǵat 15.50-de Sátbaev qalasyndaǵy «Álııa» meıramhanasynda gaz ballony jarylyp, órt shyqqandyǵy týraly aqparat túsken. Oqıǵa saldarynan 52 jastaǵy áıel kóz jumyp, 31 jastaǵy taǵy bir áıeldi kúıik shalǵan.
«10 sharshy metr aýmaqta as úı jıhazy men as úı jabdyqtary órtengen. Qabyldanǵan sharalardyń arqasynda órt saǵat 15.53-te sóndirildi. Oqıǵanyń aldyn ala sebebi – turmystyq gaz quralyn paıdalaný barysynda órt qaýipsizdigi erejesin saqtamaý», - dedi vedomstvodan.
