Qaraǵandy oblysynda memlekettik satyp alýlar ashyq túrde ótkiziledi
QARAǴANDY. QazAqparat - Qaraǵandy oblysy ákiminiń birinshi orynbasary Asylbek Dúısebaev óńirdiń memlekettik aktıvter men satyp alýlar basqarma alqasynyń otyrysyn ótkizdi, dep habarlaıdy «QazAqparat» HAA tilshisi.
«Oblys ákimdigi memlekettik satyp alýlardy ashyq ótkizý boıynsha júıelik jumystar júrgizdi. Qosymsha adamı faktorlar men konkýrs qorytyndysyna qyzmetkerlerdiń áser etý múmkindigin boldyrmaý maqsatynda quqyq qorǵaý jáne qadaǵalaý organdaryna usynystar jiberildi», - dep atap ótildi oblystyq ishki saıasat basqarmasynyń habarlamasynda.
2016 jyly barlyq konkýrstyq rásim avtomattandyryldy. «Memlekettik satyp alý týraly» Zańyna engizilgen ózgeristerdiń arqasynda rásimniń tunyqtyǵy men ashyqtyǵyna qol jetkizildi», - degen pikirde óńirlik Kásipkerler palatasynyń ókilderi men sarapshylar.
«Oblystyq deńgeıde ótip jatqan memlekettik satyp alýlardyń ashyqtyǵy týraly senimmen aıta alamyz. Bul memlekettik qyzmetshiniń ımıdjine oń áser etip, memlekettik qyzmettiń mártebesin kóterýge jol ashady», - dep málim etti Dúısebaev.
