Qaraǵandy oblysynda memlekettik qyzmettegi tamyr-tanystyqpen kúresýde
QARAǴANDY. QazAqparat - Qaraǵandy oblystyq memlekettik qyzmet isteri jáne sybaılas jemqorlyqqa qarsy kúres departamentiniń qyzmetkerleri memqyzmettegi tamyr-tanystyq faktisimen kúresip jatyr, dep habarlaıdy «QazAqparat» HAA tilshisi.
«Múddeler qaqtyǵysy faktilerin anyqtaý boıynsha, atap aıtqanda memlekettik organdarda, uıymdarda jáne kvazımemlekettik sektor sýbektilerinde jaqyn týystarymen birge jumys isteý faktileri tekserilip jatyr», - dep habarlady departamenttiń baspasóz qyzmeti.
Múddeler qaqtyǵysy - memlekettik qyzmetshiniń jeke múddeleri men onyń laýazymdyq ókilettikteri arasyndaǵy qaıshylyq, bul rette memlekettik qyzmetshiniń jeke múddeleri basym túsip, qyzmettik mindetteri oryndalmaýy múmkin. Bul ereje «Memlekettik qyzmet týraly» zańda belgilengen.
Múddeler qaqtyǵysy faktisi týraly myna mekenjaıǵa baılanysýdy suraımyz: Qaraǵandy, Beıbitshilik býlvary, 39 úı. Nemese myna telefon nómirlerine habarlasý qajet: 8 (7212) 50-40-75, 8-702-789-63-07 (WhatsApp), elektrondyq adres ds.karaganda@mail.ru
