Qaraǵandy oblysynda «Mektepke jol» aktsııasy bastaldy

QARAǴANDY. QazAqparat - Qaraǵandy oblysynyń bilim basqarmasy dástúrli «Mektepke jol» qaıyrymdylyq aktsııasynyń bastalýy týraly jarııalaıdy. Jáne de memlekettik organdardy, kásiporyndardy, uıymdardy, jeke kásipkerlerdi jáne janashyr jandardyń barlyǵyn balalarǵa mektepke daıyndalýǵa kómektesýge shaqyrady. Aktsııa 1 tamyzdan 30 qyrkúıekke deıin jalǵasady. Bul týraly QazAqparat ákimdik saıtyna silteme jasap habarlaıdy.

«1 tamyzda dástúrli túrde respýblıkamyzda jyl saıyn ótkiziletin «Mektepke jol» aktsııasy bastalady. Ol osymen 10-shy jyl qatarynan az qamtylǵan jáne kópbalaly otbasylarynan shyqqan balalarǵa, jetim balalar men ata-ana qomqorysyz qalǵan balalarǵa materıaldyq jáne basqa da kómek kórsetý maqsatynda ótkizilip keledi. Bıylǵy jyly aktsııa sheńberinde biz 30 myń balaǵa 300 mıllıon teńge kóleminde keńse taýarlary, mektep formasyn alyp berýdi josparlap otyrmyz. Aktsııa bastaldy, jánede Bilim basqarmasy oblysymyzdyń barlyq turǵyndaryna, bıznesmenderge, kásipkerlerge, metsenattarǵa qıyn ómirlik jaǵdaıǵa tap bolǵan otbasylaryna kómek kórsetýge shaqyrady», - deıdi bilim basqarmasynyń mektepke deıingi jáne jalpy orta bilim bóliminiń jetekshisi Nazır Jáshibekov.

«Mektepke jol» aktsııasyn uıymdastyrýshylar muqtaj balalarǵa kıimder men keńse zattaryn jınaý núktelerin uıymdastyryp, mektep jármeńkelerin ótkizip, onda tómendetilgen baǵamen mektep taýarlaryn satýdy josparlap otyr.

«Búgin, aktsııanyń birinshi kúninde Qaraǵandy qalalyq bilim bóliminiń ókilderi Qazybek bı aýdanynyń 50 balalaryna mektep formalaryn, keńse zattar men ıyq dorbalaryn alyp bergen. Ol demeýshilerdiń kómeginiń arqasynda múmkin bolyp otyrǵan shara. 
- 15-16 tamyzda biz dál osyndaı sharany Oktıabr aýdanynyń mektep oqýshylaryna da ótkizýdi kózdep otyrmyz»,- dep túsindirdi Qaraǵandy qalasynyń bilim bólimi jetekshisiniń m.a. Raısa Keneshova. 

Qalalyq bilim bóliminiń málimdeýinshe, ótken jyly Qaraǵandyda jalpy somasy 5 mln teńgeni quraǵan 3000 balaǵa kómek kórsetildi.
«Men «Mektepke jol» aktsııasyna alǵysymdy aıtamyn. Ol kóptegen jalǵyz basty analarǵa jáne kópbalaly otbasylaryna óte qatty kómektesedi, sebebi kóbisi mektep taýarlaryn satyp alýǵa shamalary bolmaı jatady. Mysaly, maǵan mektepke úsh balany birdeı jınaý qıyn. Aktsııaǵa qatysatyn barlyq jandarǵa rahmet aıtamyn», - dedi kópbalaly ana Anna Tımofeeva.