Qaraǵandy oblysynda mektep oqýshylardy skrınıngten ótedi
QARAǴANDY. QazAqparat – Qaraǵandy oblysynda mektep medpýnkterinde oqýshylar josparly skrınıngten ótedi. Olardy stomatolog, oftalmolog, hırýrg, otolarıngolog, endokrınolog, nevropatolog jáne basqa da sala dárigerleri qaraıdy, dep habarlaıdy QazAqparat tilshisi.
Bıyl medıtsınalyq saqtandyrý qory óńirdegi mektep medıtsınasyna 1,3 mlrd teńge bóldi.
Mektep medpýnkterine qyzmet kórsetýmen oblystyń emhanalary aınalysady. Olar atalǵan medıtsınalyq kabınetterdi orta medıtsına qyzmetkerlerimen, vaktsınatsııalaý úshin qajetti jabdyqpen, uıymdastyrý tehnıkasymen jáne aýrýlardyń aldyn alý boıynsha materıaldarmen, sondaı-aq balalardy qaraýǵa jáne alǵashqy shuǵyl medıtsınalyq kómek kórsetýge arnalǵan quraldarmen qamtamasyz etedi.
«Bizdiń №1 kópbeıindi aýrýhananyń emhanasyna alty mektep bekitilgen. Medıtsına qyzmetkerleri balalar men pedagogtardyń profılaktıkalyq jáne skrınıng medıtsınalyq tekserýin, COVID-19-ǵa qarsy profılaktıka uıymdastyrýǵa, maýsym aýrýynyń aldyn alýǵa jaýap beredi», – dedi Qaraǵandy qalasynyń №1 kópsalaly aýrýhanasynyń aldyn alý jáne áleýmettik-psıhologııalyq kómek bóliminiń meńgerýshisi Lıýbov Kovaleva.
Sonymen qatar, mektep medbıkeleri oqý oryndaryndaǵy ashanada sanıtarlyq-epıdemıologııalyq talaptyń saqtalýyn jáne aspaz ben ashana qyzmetkerleriniń jaǵdaıyn baqylap otyrýy tıis.
