Qaraǵandy oblysynda mektep qurylysynda zardap shegýshige ota jasalýda
QARAǴANDY. QazAqparat - Qaraǵandy oblysy Nura aýdany Balyqtykól aýylyndaǵy mekteptiń opyrylýy kezinde aıaǵyn jaraqattap alǵan merdiger fırmanyń jumysshysyna ota jasalyp jatyr, dep habarlaıdy «QazAqparat» HAA tilshisi.
«Zardap shegýshi Maqajanov atyndaǵy oblystyq travmatologııa jáne ortopedııa ortalyǵyna «jilinshiktiń jabyq synýy» dıagnozymen jetkizildi. Ol esin jıdy. Oǵan ota jasalyp jatyr», - dep habarlady Qaraǵandy oblystyq densaýlyq saqtaý basqarmasynyń baspasóz hatshysy Aıjan Isa.
Jumysshynyń shatyrdy aýystyryp jatqany belgili boldy. Ol turǵan jabyndy plıtanyń bir jaǵy opyrylyp, mektep ǵımaratyna qaraı syrǵanap túsken. Onyń plıta basyp qalǵan aıaǵy synǵan.
Eske sala ketsek, búgin 9:40-ta Qaraǵandy oblystyq TJ departamentiniń kezekshilik bólimine Nura aýdany Balyqtykól aýylynda mekteptiń qıraǵany jaıly habarlama kelip tústi. Jóndeý jumystaryn júrgizý kezinde ekinshi qabattaǵy tórt sharshy metrlik dálizdegi plıta jabyndysy qulaǵandyǵy anyqtaldy. Úıindi astynda qalǵan bir jumysshy qutqarylyp, Shahtınsk kentindegi aýrýhanaǵa jetkizildi.
