Qaraǵandy oblysynda medıtsınalyq maskalar shyǵaryla bastady
Qaraǵandyda turǵyndardyń bul ónimge degen suranysyn qanaǵattandyrýǵa daıyn kásiporyn bar. Jergilikti medıtsınalyq ónimder jaqyn arada dárihanalarǵa jiberilmek.
«Medıtsınalyq maskalar shyǵaratyn mashına satyp aldyq. Ol bir mınýtta 100-120 dana shyǵarýǵa qaýqarly. Bizdiń maskalar úsh qabatty. Biz oblys turǵyndarynyń ınfektsııadan qorǵanys qajettiligin tolyǵymen jaba alamyz» - dedi «MF «Mereı» JShS dırektory Qanat Naýryzbaev.
Óz kezeginde Álisher Ábdiqadyrov áleýmettik dárihanalardy maskalarmen qamtamasyz etýdi bastaý kerek ekenin atap ótti. Ónimder eń aldymen qaraǵandylyqtardyń qajettilikterine sáıkes kelýi kerek. Kez-kelgen eksport týraly áńgime bolýy múmkin emes.
Densaýlyq saqtaý basqarmasynyń basshysy Erjan Nurlybaevtyń aıtýynsha, maskalarǵa suranys barshylyq. Qazir kásiporyn maskalar barlyǵyna jetý úshin jumystardy bastaýǵa daıy.
Ákim orynbasary sondaı-aq Sarandaǵy jeke gıgıena jáne úı-jaılardy dezınfektsııalaýǵa arnalǵan antıseptıkalyq zattar shyǵaratyn kásiporynda boldy. Onyń qýattylyǵy saǵatyna 2000 bótelke, ıaǵnı táýligine 1000 lıtr.
«Qazaqstanda biz tárizdi osyndaı tórt óndiris orny bar. Bizdiń baǵalarymyz tómen. Biz medıtsınalyq mekemelerge ónimderdi jetkizemiz jáne búkil Qaraǵandy oblysyn dezınfektsııalyq zattarmen tolyq qamtamasyz etemiz», - dedi «Gros Farm»JShS dırektorynyń orynbasary Mıhaıl Momchelıdze.
Álisher Ábdiqadyrov óndirýshege dárihanalarmen jumys jasaýdy usyndy.
Jergilikti óndirýshiler oblys turǵyndaryn maskalarmen ǵana emes, sondaı-aq qolǵa arnalǵan antıseptıktermen de qamtamasyz etýge ýáde berdi.
