Qaraǵandy oblysynda maıdangerler Jeńis kúnine 1,5 mln teńgeden alady

QARAǴANDY. QazAqparat – Qaraǵandy oblysynda Ekinshi dúnıejúzilik soǵys ardagerlerine Jeńis kúnine oraı 1,5 mln teńgeden tólenedi. Búginde óńirde 14 ardager turady, dep habarlaıdy QazAqparat tilshisi.

«Birjolǵy materıaldyq kómek soǵys ardagerlerine teńestirilgen basqa da sanattaǵy turǵyndarǵa kórsetiledi.

Kámeletke tolmaǵan kezde kontslagerlerdiń tutqyny bolǵan 38 adamǵa 100 myń teńgeden beriledi. Lenıngrad blokadasy kezinde jumys istegen 11 qaraǵandylyq 60 myń teńgeden alady», - dep habarlady Qaraǵandy oblysynyń Jumyspen qamtýdy úılestirý jáne áleýmettik baǵdarlamalar basqarmasynan.

Kómek alýshylar arasynda Ekinshi dúnıejúzilik soǵys jyldary qaza tapqan 4138 tyl eńbekkeri men 161 jaýyngerdiń jubaıy bar. Olarǵa 30 myń teńgeden beriledi.

Bıyl 1941-1945 jyldaǵy soǵystaǵy Jeńiske – 78 jyl.