Qaraǵandy oblysynda máslıhat depýtattyǵyna úmitkerlerdiń saılaýaldy básekesi bastaldy
QARAǴANDY. QazAqparat - Qaraǵandy oblysynda máslıhat depýtattyǵyna úmitkerler saılaý aldyndaǵy úgit-nasıhat jumystaryn bastady, dep habarlaıdy «QazAqparat» HAA tilshisi.
Saılaý 29 qazan kúni ótedi. Qaraǵandy oblysy ákimdigi baspasóz qyzmetiniń málimetinshe, aımaq saılaýshylary Qaraǵandy oblystyq máslıhaty depýtattaryn №12, №29 jáne №41 okrýgteri boıynsha saılaıdy.
Segiz saılaý okrýgi boıynsha úmitkerler qatarynyń 75 paıyzyn er adamdar, 25 paıyzyn áıelder quraıdy. Ákimdiktiń baspasóz qyzmetiniń málimetterine súıensek, kandıdattardyń 33 paıyzy saıası partııalardyń múshesi.
14 qazannan bastap, qaraǵandylyqtar ýchaskelik saılaý komıssııasy oryndaryndaǵy saılaý ótkiziletin tıisti okrýgterindegi saılaýshylar tizimimen tanysa alady. Saılaýdy ótkizý jáne uıymdastyrý jumystaryna respýblıkalyq bıýdjetten 10 mln 216 myń teńge bólindi.
Qazaqstan Respýblıkasy Konstıtýtsııalyq zańynyń «Qazaqstan Respýblıkasyndaǵy saılaý týraly» 101-baby 4-bólimine sáıkes, aǵymdaǵy jyldyń 29 qazany kúni respýblıkanyń 15 óńirindegi 105 saılaý okrýgterinde máslıhat depýtattarynyń saılaýy ótedi.
Ortalyq saılaý komıssııasynyń málimetinshe, barlyǵy 22 oblystyq, 19 qalalyq jáne 64 aýdandyq máslıhat depýtattary saılanady.
