Qaraǵandy oblysynda máslıhat depýtattyǵyna úmitkerdiń 24-i saılaýǵa qatysýdan bas tartty
QARAǴANDY. QazAqparat - Qaraǵandy oblysynda máslıhat depýtattyǵyna ózin ózi usynǵan úmitkerdiń 24-i óz erikterimen saılaýǵa qatysýdan bas tartty. Bul týraly oblystyq saılaý komıssııasynan habarlady.
«19 aqpanda máslıhat depýtattyǵyna úmitkerlerdi tirkeý aıaqtaldy. Aýmaqtyq saılaý komıssııalarynyń usynǵan málimetteri boıynsha, barlyǵy 952 úmitker tirkelgen. Okrýgtik saılaý komıssııalarymen barlyq deńgeıdegi máslıhat depýtattyǵyna 927 úmitker tirkelgen», - dedi brıfıngide oblystyq saılaý komıssııasynyń tóraǵasy Erqara Aımaǵambetov.
Oblystyq saılaý komıssııasynyń málimetterinshe, 25 tirkelmegen úmitkerdiń 24-i erikti túrde óz kandıdatýralaryn alyp tastady, al bireýin tirkeýden bas tartyldy. «Árbir úmitker saılaýǵa qatysa ma joq pa ony ózi tańdaıdy. ıAǵnı osy úmitkerler tirkeýge deıin ótinish jazyp, óz kandıdatýralaryn alyp tastady», - dep túsindirdi oblystyq saılaý komıssııasynyń hatshysy Natalıa Batalova.
Eske sala ketsek, QR Parlamenti Májilisi jáne barlyq deńgeıdegi máslıhattar depýtattarynyń kezekten tys saılaýy 2016 jyldyń 20 naýryzyna belgilengen.
