Qaraǵandy oblysynda mal azyǵyn daıyndaý eselenedi
Qaraǵandy oblysynda mal sharýashylyǵy turaqty damýda. Mal basy artyp keledi. Óńirde jem-shóp daqyldaryn ósirý de artady. Bul salany damytýǵa qoldaý kórsetilmek. Óńir basshysy Jeńis Qasymbek sýbsıdııa máselesin sheshýdi tapsyrdy.
«Mal sharýashylyǵyn damytý úshin berik jem-shóp bazasyn qurý qajet. Jem-shóp daqyldarynyń egis alqaptary ulǵaıýda. Bıyl 81,5 myń ga kópjyldyq jáne birjyldyq shópter egiledi. Bul ótken jyldyń deńgeıinen 9 myń gektarǵa artyq. Sondaı-aq jemdik daqyldar egisi de artyp keledi», – dep habarlady Aýyl sharýashylyǵy basqarmasynyń basshysy Asqar Sanaýbarov apparat keńesinde.
Fermerler jem ázirleý úshin tehnıka daıyndap jatyr. Basqarmanyń aqparaty boıynsha, 30 myńǵa jýyq mashına men agregat iske qosylady.
Asqar Sanaýbarov oblysta et jáne sút óndirisi turaqty artyp kele jatqanyn da atap ótti. Fermerler mal basyn, sonyń ishinde asyl tuqymdy mal basyn tolyqtyrýda. Jyl basynan sharýashylyqtar 438 bas iri-qara mal jáne 664 jylqy satyp alýǵa nesıe qarajatyn aldy.
2021 jyly oblysta mal sharýashylyǵy salasynda eki joba iske asyryldy: «Qurma» agrofırmasynyń qus fabrıkasy jańǵyrtyldy jáne asyl tuqymdy reprodýktor salyndy. Bıyl josparlanǵan toǵyz jobanyń ekeýi iske qosyldy. Shet aýdanynda jańa sút-taýar fermasy jáne Buqar Jyraý aýdanynda qus fabrıkasy salyndy.
«Jyldan-jylǵa aýyl sharýashylyǵy ónimderi óndirisiniń turaqty artýy baıqalady. Buǵan memlekettik qoldaý, onyń ishinde sýbsıdııalar túrindegi qoldaý yqpal etedi. Biz mal sharýashylyǵyn damytý úshin barlyq múmkindikterdi barynsha paıdalanýǵa tıispiz. Jem daıyndaý naýqanyna ýaqytyly daıyndalý kerek. Aýyl sharýashylyǵy basqarmasy Qarjy basqarmasymen birlesip, aýyl sharýashylyǵy maldary úshin jem-shóp shyǵyndaryn sýbsıdııalaýǵa qarajat bólý máselesin qarastyrǵany jón», – dedi Jeńis Qasymbek.
