Qaraǵandy oblysynda qyzmetkerlerin vaktsınatsııadan ótkizýi tıis uıymdardyń tizimi jarııalandy

Oblystyń bas sanıtarlyq dárigeriniń sáıkes qaýlysy shyqty, dep habarlaıdy QazAqparat tilshisi.

Qazaqstan Respýblıkasynyń aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııa otyrysynyń 2021 jylǵy 22 maýsymdaǵy hattamasynyń negizinde jáne Qazaqstan Respýblıkasynyń Bas memlekettik sanıtarııalyq dárigeriniń 2021 jylǵy 01 shildedegi № 31 qaýlysyna sáıkes, jańa koronavırýs ınfektsııasymen syrqattanýshylyqtyń tirkelýine baılanysty, Qaraǵandy oblysynyń turǵyndary arasynda KVI-diń odan ári taralýyna jol bermeý maqsatynda búgin Qaraǵandy oblysynyń Bas sanıtarııalyq dárigeriniń tıisti Qaýlysy qabyldandy.

Oǵan sáıkes aǵymdaǵy jyldyń 15 shildesine deıingi merzimde memlekettik organdardyń, uıymdar men kásiporyndardyń basshylary, menshik nysanyna qaramastan zańdy tulǵalar, sondaı – aq kásipkerlik sýbektileri birinshi komponentpen, al 2021 jylǵy 15 tamyzǵa deıingi merzimde ekinshi komponentpen profılaktıkalyq vaktsınatsııalaý júrgizýdi uıymdastyrýy qajet.

Budan basqa, COVID-19-ǵa qarsy vaktsına almaǵan (sońǵy 3 aı ishinde turaqty medıtsınalyq qarsy kórsetilimderi bar jáne COVID-19 aýyryp jazylǵan adamdardy qospaǵanda) jumyskerler úshin kúndizgi rejımde jumysqa jiberý shekteledi:

Qyzmet kórsetý obektileri (Halyqqa qyzmet kórsetý ortalyqtary (HQKO), «Qazposhta» AQ bólimsheleri, ekinshi deńgeıdegi bankter, qarjy naryǵynyń obektileri, saqtandyrý kompanııalary, jyljymaıtyn múlik jónindegi agenttikter, jarnama agenttikteri, aıyrbastaý pýnktteri, lombardtar, sulýlyq salondary, shashtarazdar, manıkıýr jáne pedıkıýr qyzmet kórsetý ortalyqtary, kosmetologııalyq qyzmetter, advokat, notarıýs, býhgalter jáne konsaltıng qyzmetteri, Hımııalyq tazalaý qyzmetteri, kir jýý oryndary, fıtnes ortalyqtary, sport keshenderi, sporttyq-saýyqtyrý ortalyqtary, SPA jáne massaj salondary, monshalar, saýnalar, basseınder, jaǵajaılar, tigin atelesi, fotosalondar, aıaq kıim sheberhanalary, gúl dúkenderi, aıaq kıim, kıim jóndeý, ózge de obektiler) ;

-Tutyný taýarlary, onyń ishinde bazarlar, saýda úıleri, saýda jelileri, saýda-oıyn-saýyq ortalyqtary, dúkender, shaǵyn marketter, sýpermarketter, gıpermarketter kóterme jáne bólshek saýda obektileri;

-Mádenıet jáne demalys obektileriniń (mýzeıler, mýzeı-qoryqtar, kitaphanalar, kontserttik uıymdar, fılarmonııalar, teatrlar, kınoteatrlar, kontsert zaldary, klýbtar, galereıalar, kórmeler, tsırkter jáne basqa da mádenı-bos ýaqyt uıymdary);

-Halyqtyń turýy boıynsha qyzmet kórsetý salasyndaǵy obektilerdiń (qonaq úıler, hostelder, motelder, jataqhanalar, kempıngter jáne basqalar);

-Jolaýshylar tasymalyn júzege asyratyn uıymdardyń, áýejaılardyń, temirjol, avtomobıl jáne vokzaldardyń, ózen jáne teńiz porttarynyń, avtostantsııalardyń/avtoótpe joldardyń, jolaýshylarǵa qyzmet kórsetý pýnktteriniń qyzmeti;

-Bilim berý jáne tárbıeleý uıymdarynyń, onyń ishinde bilim berýdi damytý jáne túzetý ortalyqtarynyń (eresekter men balalarǵa arnalǵan), oqý-óndiristik kombınattardyń jáne basqa da mektepten tys uıymdardyń mindetteri;

-Sanatorlyq-kýrorttyq jáne saýyqtyrý obektileri (shıpajaılar, úıler/bazalar/demalys aımaqtary, profılaktorııler, balalardyń saýyqtyrý lagerleri (mektep janyndaǵy, qala syrtyndaǵy), týrıstik bazalar jáne basqalar);

-Qoǵamdyq tamaqtaný obektileriniń, onyń ishinde uıymdasqan ujymdarda ornalasqan, sondaı-aq tamaq, strıt-fýd jetkizýdi júzege asyratyn obektilerdiń tizbesi;

-Barlyq úlgidegi medıtsınalyq-áleýmettik obektilerdiń (qarttar, múgedekter úıleri, balalar úıleri jáne basqalar);

-Densaýlyq saqtaý uıymdarynyń, onyń ishinde zerthanalardyń qyzmeti;

-Dárihana uıymdary;

-Kommýnaldyq sharýashylyq obektileriniń jumys isteýin qamtamasyz etý (sýmen jabdyqtaý, jylýmen jabdyqtaý, elektrmen jabdyqtaý uıymdary, aýmaqtardy jınaý jáne qaldyqtardy shyǵarý, Úı-jaılar men aýmaqtardy dezınfektsııalyq óńdeý boıynsha, avarııalyq-qutqarý qyzmetteri, kondomınıým obektileriniń basshylary (páter ıeleriniń kooperatıvteri, múlik ıeleriniń birlestikteri, jaı seriktestikter jáne basqalar);

-ekskýrsııalyq qyzmet kórsetetin uıymdar;

-demalys obektileriniń, oıyn-saýyq oıyn obektileriniń (kompıýterlik klýbtar, bılıard zaldary, boýlıngter, oıyn-saýyq ortalyqtary/saıabaqtar, attraktsıondar, akvaparkter, karaoke, lotereıa klýbtary jáne lotereıa bıletterin satý jónindegi ózge de pýnktter/núkteler jáne basqalar);

- Baılanys jáne telekommýnıkatsııa obektileri;

- Іri uıymdasqan ujymdardyń (ónerkásiptik kásiporyndardyń)quramy;

-Qylmystyq-atqarý júıesi mekemeleriniń, kúshtik qurylymdardyń, memlekettik organdardyń mindetteri

Budan basqa, vaktsınatsııalanbaǵan jumyskerler úshin (sońǵy 3 aı ishinde turaqty medıtsınalyq qarsy kórsetilimderi bar jáne COVID-19 aýyryp jazylǵan adamdardy qospaǵanda) mindetti PTR-testileý (7 kúnde 1 ret) engiziledi.