Qaraǵandy oblysynda qyzmet babynda qaza tapqan polıtseılerge eskertkish ornatyldy
QARAǴANDY. QazAqparat - Polıtsııa kúni merekesi qarsańynda Qaraǵandy oblysynyń Shet aýdandyq polıtsııa bóliminiń aýlasynda, qyzmet babynda qaza bolǵan qyzmetkerlerdiń qurmetine memorıaldyq taqta tasy ornatyldy, dep habarlaıdy QazAqparat tilshisi.
Mereke kúni Shet aýdandyq polıtsııa bóliminde ótken ıgilikti is-sharaǵa aýdan ákimi Marat Jandáýletov, oblystyq Polıtsııa departamenti bastyǵynyń birinshi orynbasary, polıtsııa polkovnıgi Qurmanǵalı Ysmaǵulov, aýdandyq poltsıııa bólimi basshylyǵymen jeke quramy jáne ishki ister organdarynyń ardagerleri qatysty.
Memorıaldyq taqta tasyn ashý aýdan ákimi Marat Jandáýletovpen oblystyq Polıtsııa departamenti bastyǵynyń birinshi orynbasary Qurmanǵalı Ysmaǵulovqa buıyrdy. Taqta tasyn ashqan soń qaza bolǵan qyzmetkerlerdiń qurmetine gúl shoqtary qoıylyp, bir mınýttyq únsizdik jarııalanyp, aspanǵa úsh márte oq atyldy.
«Erlikpen batyldyq, erjúrektik tártip saqshylarynyń boıynan tabylatyn qasıetterdiń biri. Búgin biz, ómirden erte ozǵan polıtsııa qyzmetkerlerine taǵzym retinde memorıaldyq taqta tasyn ashyp otyrmyz. Bul úrdis keleshek urpaqqa úlgi bolary sózsiz», - dedi aýdan ákimi Marat Jandáýletov.
Aýdan ákiminen keıin sóz alǵan Polıtsııa departamenti bastyǵynyń birinshi orynbasary Qurmanǵalı Ysmaǵulov: «Qaza bolǵan qyzmetkerlerdiń qurmetine qoıylyp jatqan memorıaldyq taqta tasy Polıtsııa departamentine qarasty barlyq qala-aýdandyq ishki ister organdarynda ashylyp jatyr. Biz qylmyspen kúres jolynda erlikpen qaza tapqan áriptesterimizdi eshqashan umytpaımyz. Kerisinshe, olardyń jasaǵan erlikterin keıingi jastarǵa dáriptep, erligine bas ıemiz» - dep atap ótti.
Memorıaldyq taqta tasyn ashý saltanaty barysynda aýdandyq polıtsııa bóliminde qyzmet atqarǵan birqatar ardagerler osyndaı ilkimdi is-shara ótkizýge qolǵabys etken aýdan ákimine jáne departament basshylyǵyna alǵys bildirdi.
Saltanatty shara barysynda polıtsııa polkovnıgi Qurmanǵalı Ysmaǵulov aýdandyq polıtsııa bóliminiń bastyǵy Erjan Orynbekovke Departament basshylyǵynyń atynan 2-qyzmettik «Nıva» avtokóliginiń kiltin tabys etti. 
Іs-shara aýdandyq mádenıet úıinde jalǵasyp, aýdan ákimi óz quqyǵymen qatarynan oza shapqan birqatar tártip saqshylaryn qurmet gramotasy jáne alǵys hattarmen marapattasa, Departament bastyǵynyń birinshi orynbasary Qurmanǵalı Ysmaǵulov merekege oraı birneshe tártip saqshylaryn Іshki ister mınıstri jáne oblystyq Polıtsııa departamenti bastyǵynyń buıryǵymen marapattar úılestirdi. Kesh sońy aýdandyq mádenıet úıi qyzmetkerleriniń uıymdastyrýymen daıyndalǵan kontserttik baǵdarlamaǵa ulasty.
