Qaraǵandy oblysynda qysta qar basyp qalatyn 640,8 shaqyrym jol bar
QARAǴANDY. QazAqparat - Qaraǵandy oblysyndaǵy respýblıkalyq mańyzy bar avtojoldardyń jalpy úzyndyǵy 2784,6 shaqyrymdy quraıdy.
Onyń ishinde basym bóligi - 2751,7 shaqyrymyna «Kazahavtodor» JShS qyzmet kórsetedi, dep habarlaıdy óńir ákimdiginiń resmı saıty .
Qazirgi tańda qaıta qalpyna keltirilip jatqan bólikterdi onda qazir jóndeý jasap jatqan uıymdar qardan tazalaıtyn bolady. Bul rette Qaraǵandy-Temirtaý, Suryptaý stantsııasynan Qaraǵandyǵa kireberis jol bóligi jáne «Ekaterınbýrg-Almaty» trassasynyń Zarechnoe mańyndaǵy joljar týraly sóz qozǵaldy.
Qaraǵandyda oblystaǵy qalaarlyq trassalaryn qys aılarynda qar tazalaıtyn arnaıy tehnıkany qaraý barysynda «KazAvtoJol» kompanııasy oblystyq fılıalynyń dırektory Qanat Shaımın kásiporyn qysqa taǵy qalaı daıyndalyp jatqanyn aıtyp berdi.
- Biz Osakarovka-Temirtaý bóliginde temirbeton qorshaýyn ornattyq, - dedi ol. - Týra sondaı qorǵaý qurylystary Batpaq-Baımyrza jol bóliginde de ornatylǵan. Bıylǵy jyly erekshe qaýipti jerlerde qar úımeleri men transheıa quraıtyn bolamyz. Bizde aǵashtan jasalǵan jyljymaly qardan qorǵaý qalqandary bar, olar joldardy qar basýdan saqtap qalady.
1 qarashadan bastap joldardyń jaǵdaıyn baqylaý úshin táýlik boıǵy kezekshilik uıymdastyrylǵan. Mehanıkalandyrylǵan brıgadalardy aldyn ala jumysqa daıyndaý úshin qyzmetkerler aýa raıynyń ózgeristerin árdaıym baqylap otyrady.
«Taıǵaq jol», «Keńes beriletin jyldamdyq» jáne «Qyzmet etý aýmaǵy» degen 740 ýaqytsha jol belgileri ornatylǵan.
Ótken jyldardaǵy tájirıbege súıene otyryp, oblystaǵy avtojoldardy qysta qalypta saqtaý úshin 201 tehnıka kerek ekeni anyqtalǵan. Alaıda, búgingi tańda «Kazahavtodor» kompanııasynyń qaramaǵynda - 112 arnaıy tehnıka men mehanızmder ǵana bar. Qosymsha 30 birlik jalǵa alynady. Trassalardy qardan tazalaý úshin taǵy 59 tehnıka qajet.
Dúısenbi, 6 qarashada arnaıy tehnıkanyń jetispeýshiligi týraly oblys ákimdiginde ótken apparattyq jınalysta sóz qozaldy. Qaraǵandy oblysynyń ákimi Erlan Qoshanov bul máseleni respýblıkalyq deńgeıde sheshý kerektigin aıtty.
- Senbi kúni, arnaıy tehnıka parkin qarap shyqqan soń, men mınıstrmen 59 mashınanyń jetispeıtini týraly sóılesken edim. Bizge ol suraqty sheshýge kómek kórsetiletini aıtyldy. Jumystar qalaı júrip jatyr?
«QazAvtoJol» UK» AQ oblystyq fılıalynyń dırektory Qanat Shaımın qosymsha tehnıka alý týraly kelissózder júrgizilip jatqanyn jetkizdi. Sondaı-aq qysta respýblıkalyq mańyzy bar joldar ýaqtyly qardan tazartylyp otyratyny aıtyldy.
Barlyǵy Qaraǵandy oblysynda qys aılarynda qar basyp qalatyn 640,8 shaqyrym jol bar. Sonymen qatar 579 jol bólikteri kóktaıǵaq qalyptasý qaýpi joǵary bolǵandyqtan árdaıym baqylaýǵa alynǵan.
