Qaraǵandy oblysynda qysqy maýsymǵa daıyndyq aıaqtalýǵa taıaý

QARAǴANDY. QazAqparat - Jylytý maýsymyna daıyndyq Qaraǵandy oblysy basshylyǵynyń únemi baqylaýynda, dep habarlaıdy óńir basshysynyń resmı saıty.

Daıyndyq deńgeıi týraly apparattyq jınalys barysynda barlyq qalalar men aýdandardyń ákimderi esep berdi. Energetıka jáne turǵyn-úı kommýnaldyq sharýashylyq basqarmasy basshysynyń m.a. Ulantaı Úsenov baıandama jasady. 

- Búgingi tańda qysqa daıyndyq aıaqtalýǵa jaqyn. Osy merzimge belgilengen 90% jospar boıynsha nysandardyń daıyndyǵy 91% qurap otyr. Kestege saı barlyq ınjenerlik jelilerdegi jóndeý jumystary 20 qyrkúıekke deıin aıaqtalady. Qubyrlardy qysymmen tekserý jáne gıdravlıkalyq synamalar 1 qazanǵa deıin jasalyp bitedi, - dedi ol. 

Oblystyń energııa stansalarynda qazirgi tańda 24 qazandyq jáne 9 týrbına jóndelgen. Jóndeý jumystary taǵy eki qazandyq agregattarda jalǵasyp jatyr. 

Qaraǵandy oblysyna Energetıka mınıstrligi tonnasy 70 myń teńgeden bolatyn 28 myń tonna áleýmettik mazýt bóldi. 
«Nurly jol» jáne «Aımaqtardy damytý» memlekettik baǵdarlamalary boıynsha jylý júıeleriniń qurylysy men qaıta qalypqa keltirý jumystary júrgizilýde. Bes joba Qaraǵandyda, jáne bireýi - Sátbaevta júzege asyrylyp jatyr. Baıandamashynyń málimdeýinshe, jumystar josparlanǵan retpen júrgizilip, kesteden qalys qalmaı ótkzilýde.

Foto: karaganda-region.gov.kz