Qaraǵandy oblysynda qysqa daıyndyq baıaý júrip jatyr
QARAǴANDY. QazAqparat - Kommýnaldyq qyzmetterdiń aldaǵy jylý maýsymyna ákimshilik pen turǵyn úılerdi daıyndaý jumystary baıaý júrýde, dep habarlady «QazAqparat» HAA tilshisi.
Oblys ákimdiginde ótken májiliste ákimniń energetıka turǵyn úı-kommýnaldyq sharýashylyq jáne TJ máseleleri jónindegi orynbasary Anatolıı Shkarýpa «Bassel Group LLS» JShS men Balqash JEO jóndeý jumystary kesteden artta qalyp jatqanyn habarlady.
«Kóp qabatty turǵyn úılerdi qysqa daıyndaý jumystary da sylbyr. Jylý elektr stansasyna qatysty aıtar bolsaq, onda jóndeý jumystary 10 qazandyqta, 4 týrbınada aıaqtaldy», - dep habarlady Anatolıı Shkarýpa.
Ol qalalar men aýdandardyń ákimderi jylý maýsymy kezeńinde ár kommýnaldyq apat faktisine derbes jaýapty bolatynyn eskertti.
«Barlyq deńgeıdegi ákimder jylý maýsymyna daıyndyq sapasynyń tómendigi úshin jaýapty bolady», - dedi oblys ákiminiń orynbasary.
