Qaraǵandy oblysynda qylmystyq top 537 mln teńgege jalǵan shot-faktýra jasaǵan

NUR-SULTAN. QazAqparat – Qaraǵandy oblysynda memleketke 537 mln teńge zalal keltirgen uıymdasqan qylmystyq top ustaldy, dep habarlaıdy QazAqparat.

QR Qarjy mınıstrliginiń aqparatyna sáıkes, Qarjy monıtorıngi komıteti Qaraǵandy oblysy boıynsha Ekonomıkalyq tergeý departamentiniń qyzmetkerleri jedel-tergeý barysynda 2017-2020 jyldar aralyǵynda Qaraǵandy qalasynyń aýmaǵynda jalǵan shot-faktýralardy jazyp berýmen aınalysqan uıymdasqan qylmystyq topty áshkerelegen.

Tergeý barysynda 7 adamnan turatyn qylmystyq top, sonymen qatar baqylaýdaǵy zańdy tulǵalardyń basshylary retinde tirkelgen adamdar úı-jaılardy izdeý jáne jalǵa alýdy (tirkeý úshin), sondaı-aq kontragent-satyp alýshylardy izdestirýdi, ekinshi deńgeıli bankterde aqshalaı qarajatty qolma-qol aqshaǵa aınaldyrýdy jáne taǵy basqasyn júzege asyrǵan.

«Toptyń qylmystyq áreketi saldarynan memleketke keltirilgen zalal somasy 537 mln teńgeni qurady. Tárkileýdi qamtamasyz etý maqsatynda tergeý barysynda baqylaýdaǵy kásiporyndardyń jalpy somasy 121,3 mln teńgeaqsha qarajatyna tyıym salyndy.

2020 jyldyń 27 jeltoqsanynda qylmystyq is óndirispen aıaqtalyp, bekitilgen aıyptaý aktisimen sotqa joldandy», - delingen QR QM aqparatynda.