Qaraǵandy oblysynda qylmystyq top 4 mlrd-tan astam teńgeni qolma-qol aqshaǵa aınaldyrǵan

QARAǴANDY. QazAqparat - Qaraǵandyda qylmystyq toptyń músheleri qarajatty qolma-qol aqshaǵa aınaldyrý kezinde ustaldy, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

«Uıymdasqan qylmystyq top úsh jyl ishinde 4 mlrd teńgeden astam qarajatty qolma-qol aqshaǵa zańsyz túrde aınaldyrǵan. Zańsyz shemaǵa baqylaýdaǵy 6 jalǵan kompanııa tartylǵan. Qylmystyq is-áreketterdiń nátıjesinde memleketke tólenbegen salyq túrinde 1 mıllıard teńgeden astam somaǵa zalal keltirildi», delingen habarlamada.

Vdeostvonyń málimetinshe, tintý kezinde 6 mln-nan astam teńge, bank kartalary («Forte Bank» AQ, «Qazaqstan Halyq banki» AQ, «Kaspı bank» AQ, «RBK Bank» AQ, «Eýrazııalyq bank» AQ), býhgalterlik qujattar jáne kompanııalar mórleri tabylyp, tárkilendi.

Qazirgi ýaqytta uıymdasqan qylmystyq top qurý jáne jalǵan shot-faktýralardy zańsyz resimdeý faktileri boıynsha tergeý amaldary júrgizilip jatyr.