Qaraǵandy oblysynda qylmyskerlerdi izdeý maqsatynda qystaqtar men sharýashylyqtar tekseriledi
QARAǴANDY. QazAqparat - Qaraǵandy oblysynda qylmyskerlerdi izdeý úshin qystaqtar men sharýashylyqtar tekseriledi, dep habarlady «QazAqparat» HAA tilshisi.
Tájirıbe kórsetkendeı, kóbinese izdeýde júrgen qylmys jasaǵan kúdiktiler shalǵaıdaǵy qystaqtarda jasyrynady. Óńirdiń jergilikti polıtsııa qyzmetinen habarlaǵandaı, jedel aldyn alý sharasy bastaldy, mindeti - barlyq qystaqtardy tekserý.
«Sharýashylyq jáne fermerlik sharýashylyqtar menshigindegi mal basy esepteledi. Budan basqa, Qaraǵandy oblysy aýmaǵynda ornalasqan barlyq qystaqtar, mal jaıatyn oryndar tekseriledi. Turatyn jeri joq, izdeýdegi qylmyskerler kóbine osyndaı jerlerdi panalaıdy», - dep habarlady JPQ.
Polıtseılerden basqa, buǵan ákimdik ókilderi de qatysady.
