Qaraǵandy oblysynda qutqarýshylar jel aıdap áketken balyqshyny izdep jatyr
QARAǴANDY. QazAqparat - Qaraǵandy oblysynyń Nura aýdanyndaǵy sý qoımasy jaǵasynan qaıyqtaǵy balyqshyny jel ushyryp áketýi saldarynan ol qamys arasynda adasyp, bir táýlikke jýyq ýaqytyn sýda ótkizdi, dep habarlaıdy «QazAqparat» HAA tilshisi.
Qaraǵandy oblysy TJ departamentiniń baspasóz qyzmetiniń habarlaýynsha, Qarajal qalasynyń 1958 jylǵy turǵyny qaıyqpen balyq aýlaýǵa shyǵyp, úıine qaıtyp oralmaǵan. Týysqandary birden aımaqtaǵy TJ departamentiniń kezekshilik bólimine habarlasqan.
«Ol Nura aýdanynyń aýmaǵynda ornalasqan sý qoımasynan balyq aýlaýǵa shyqqan. Oqıǵa ornyna TJ departamenti bólimsheleriniń jáne polıtsııa qyzmetkerleri jóneltildi. Joǵalǵan azamatty saǵat 17 kezinde izdeý toby qamystar arasynan taýyp, jaǵaǵa alyp shyqty», - dep habarlady TJ departamentiniń baspasóz qyzmeti.
Balyqshy ábden tońǵan, alaıda, medıtsınalyq kómek qajet bolǵan joq.
TJ departamenti daýyldy aýa raıynda jáne qutqarý quraldarynsyz balyq aýlaýǵa shyqpaýǵa keńes berdi.
