Qaraǵandy oblysynda qutqarýshylar sý jaılaǵan aımaqtan eki adamdy alyp shyqty
QARAǴANDY. QazAqparat - Qaraǵandy oblysynyń qutqarýshylary qatty aǵyn sý saldarynan jol jıegine shyǵa almaı qalǵan eki er adamǵa jaǵaǵa shyǵýǵa járdemdesti, - dep habarlady «QazAqparat» HAA tilshisi.
Óńirdiń TJD baspasóz qyzmetinde habarlaǵandaı, Shet aýdany Kóktenkól aýyldyq ákimi apparatyna sý tasqyny aýmaǵynda qalǵan jubaıy men onyń dosyna kómek suraǵan áıeldiń habarlamasy tústi.
«Eki er adam Aqshataý-Pavlodar respýblıkalyq mańyzy bar jol jaǵasynda sýda qaıyqpen kele jatyp, sýdyń aǵysy qatty bolǵandyqtan jaǵaǵa jetý qıyndaı túsedi. Olardy TJD jedel qutqarý jasaǵynyń qyzmetkerleri qutqardy. Olar Kóktenkól kentiniń turǵyndary. Olarǵa medıtsınalyq kómek qajet bolmady, birden úılerine jetkizildi», - dep habarlady TJD baspasóz qyzmetinde.
Qutqarýshylar halyqty qaýipsizdik máselesine nemquraıdy qaramaýǵa shaqyrady. «Ár adam óz ómiri úshin jaýapty. Belgili bir qaǵıdalardy ustansa, kez kelgen jaǵdaıdan saqtanýǵa bolady. Barsha aýyldyqtarǵa aqpan-naýryzda sý tasqyny kezeńinde ózin-ózi qalaı ustaý qajettigi týraly jadynama taratylǵan», dedi TJD baspasóz qyzmetinde.
