Qaraǵandy oblysynda qutqarýshy týysynyń 3 mln teńgesin qoldy qylǵan
QARAǴANDY. QazAqparat - Jezqazǵan qalalyq soty kóligin jóndeý úshin týysqanyn tonaǵan er adamnyń bas bostandyǵyn 4 jylǵa shektedi, dep habarlaıdy QazAqparat tilshisi.
«Sotqa tartylǵan qutqarýshynyń «Órt sóndirý qyzmeti jáne apattyq-qutqarý jumysy» memlekettik mekemesine eshqandaı qatysy joq. Ol Jezqazǵan qalasyndaǵy memlekettik emes órt sóndirý jedel bólimshesinde qyzmet atqarǵan», - dep málim etti Qaraǵandy oblysy Tótenshe jaǵdaılar departamentiniń baspasóz qyzmeti.
26 jastaǵy qutqarýshy óziniń tanysynyń kóligimen apatqa ushyraǵan, biraq kólikti jóndep berýge qarajaty bolmaǵan. Sodan soń ol úsh mıllıon teńgesi bar týysqanyna shabýyl jasaǵan. Jábirlenýshi sottalýshyǵa keshirim berip, sottan ony jazalamaýdy ótindi.
«Bul 191-babynyń 2-bólimine sáıkes «aýyr qylmys» bolyp sanalady. Atalmysh tarmaq boıynsha ózara tatýlasý qarastyrylmaıdy. Jaza taǵaıyndaldy, er adam aıypty dep tanyldy. Oǵan tórt jyl bas bostandyǵyn shekteý jazasy taǵaıyndaldy» - dep habarlady Jezqazǵan qalalyq sotynyń ókili Marat Kókishev.
Sondaı-aq, sottalýshyǵa bas bostandyǵyn shekteý merziminiń sońyna deıin probatsııalyq baqylaý qoıyldy. Oǵan memlekettik ókiletti organnyń ruqsatynsyz turatyn jerin, jumysyn, oqý ornyn ózgertýge jáne kafe, bar men spırttik ishimdikti ishý maqsatynda kóńil kóterý oryndaryna barýǵa tyıym salyndy.
«Eger sottalýshy tártipti buzǵan jaǵdaıda, ol osy tórt jylyn abaqtyda ótkizetin bolady», - dep túsindirdi vedomstvodan.
