Qaraǵandy oblysynda Qurban aıt onlaın túrde júrgiziledi
Qujatqa sáıkes, Qurban Aıt merekesi kezinde halyqtyń jappaı jınalýymen is-sharalar ótkizýge tyıym salyndy. Sonymen qatar, dástúrli qurban shalý tek arnaıy bekitilgen jerde júzege asyrylady. Bul sharany onlaın túrde de rásimdeýge bolady.
- Menshik nysanyna qaramastan barlyq uıymdarda, sondaı-aq jeke menshik úıler men medreselerde adamdar kóp jınalatyn is-sharalar ótkizýge tyıym salynady;
- Maldy avtomashınalardan jáne jeke menshik úı ıelikterinen ótkizýge tyıym salynady;
-Maldy soıý jáne ótkizý veterınarııalyq qyzmettiń resmı veterınarııalyq-sanıtarııalyq qorytyndysyn alǵan soıý pýnktteri men alańdarda (veterınarııalyq qyzmet bekitken tizbege sáıkes aýdandarda soıý pýnktteri, alańdar)júrgizilýi tıis.
Oblystyń barlyq aýmaǵyndaǵy mal soıý pýnktterinde kúsheıtilgen memlekettik veterınarııalyq-sanıtarııalyq baqylaý jáne qadaǵalaý júrgiziledi.
«Qurbandyq shalý onlaın rejımde Qurban2021.kz saıtqa tapsyrys berý arqyly júrgiziledi. Bul rette, muqtaj adamdarǵa tasymaldanatyn tez buzylatyn ónimderdi (qurbandyqqa shalynǵan maldyń etin) tasymaldaý jáne saqtaý jónindegi sanıtarııalyq-epıdemıologııalyq qaǵıdalardyń talaptaryn saqtaýǵa mindetti», - dep túsindirdi Qaraǵandy oblysy Sanıtarııalyq-epıdemıologııalyq depratamentiniń baspasóz qyzmeti.
Qaýly 2021 jylǵy 16 shilde saǵat 00.00-den bastap kúshine enedi.
